Вебинар

бидний тухай

ФИРМ

Өмгөөллийн “ХаанЛекс Партнерс” ХХН нь 2011 онд үүсгэн байгуулагдсанаасаа хойш банк, санхүү, дэд бүтэц, маргаан хянан шийдвэрлэх ажиллагаа, бизнесийн болон компанийн эрх зүйн салбарт голчлон хууль зүйн мэргэжлийн зөвлөх үйлчилгээ үзүүлсээр ирсэн Монголын тэргүүлэх хуулийн фирмийн нэг юм.

Өнгөрсөн арван жилийн хугацаанд бид олон улсын банк санхүүгийн байгууллага, дотоод болон гадаадын төрийн өмчит үйлдвэрийн газар, томоохон компаниудад Монгол Улсын хууль, эрх зүйн асуудлаар зөвлөгөө өгч ажилласан. Бид томоохон гэрээ, хэлцлүүд, тэр дундаа олон улсын хэмжээнд танигдаж, хүлээн зөвшөөрөгдсөн томоохон гэрээ, хэлцлүүдэд эрх зүйн зөвлөгөө өгч, ажилласнаараа бахархдаг.

Түүнчлэн, эрх зүйн зөвлөгөө өгч ажилладаг үндсэн салбаруудаасаа (банк санхүү, дэд бүтэц, бизнесийн эрх зүй, маргаан шийдвэрлэх ажиллагаа зэрэг) гадна бид “ногоон санхүүжилт”-тэй холбоотой төслүүд дээр ажилласан байдал, туршлагаараа Монгол Улсын хуулийн фирмүүдийн дунд тэргүүлэх байр суурийг эзэлдэг. Өдгөө “ногоон санхүүжилт” нь байгаль орчны өнөөгийн байдлыг сайжруулахад чиглэгдсэн нэн чухал, цогц санхүүжилт болоод байгаа билээ.

Бид эрчим хүчний хэмнэлттэй орон сууцны санхүүжилт, орон сууц дулаалга, ногоон санхүүжилт олгох санхүүгийн тусгайлсан байгууллага байгуулах, сэргээгдэх эрчим хүч зэрэг “ногоон санхүүжилт”-ийн өргөн хүрээний төслүүдэд амжилттай оролцож, ажилласнаараа бахархдаг.

Харилцагчдын сэтгэгдэл

“Өмгөөллийн “ХаанЛекс Партнерс” ХХН хуулийн фирмийн хуульчид нь Монголын шилдэг хуулийн баг бөгөөд хил дамнасан корпорацын асуудлаар болон Монголын хууль эрх зүйн бусад асуудлаар цогц мэргэжлийн зөвлөгөө өгөхдөө чадварлаг хуульчид юм.”
Галзагдын ТУУЛ Хас банкны Эко банкны хэлтсийн захирал
ХасБанк “Уур амьсгалын ногоон сан"- Үндэсний Хэрэгжүүлэгч Байгууллага
“Би Өмгөөллийн “ХаанЛекс Партнерс” ХХН хуулийн фирмийн хамт олныг 2011 онд үүсгэн байгуулагдсан цагаас нь эхлэн мэднэ. Тэдний зөвлөгөө үргэлж нухацтай, нарийн бөгөөд гол асуудалдаа хүрч чаддаг. Б.Энхбат болон түүний хамтрагчид Монголын тэргүүлэх хуулийн фирм бөгөөд хил дамнасан корпорацын асуудлаар болон Монголын хууль эрх зүйн бусад асуудлаар цогц мэргэжлийн зөвлөгөө өгөхдөө чадварлаг хуульчид билээ. Б.Энхбат болон түүний баг бидний үнэнч найз нөхөд, бизнесийн дэмжигчид бөгөөд Монгол улс дахь бидний хөгжилд нэн чухал хувь нэмэр оруулсаар ирсэн билээ”
Крис АдсэтАвстрали улсын Текеномикс Интернэшнл группын гүйцэтгэх захирал:
Chris Adsett
“Бид Өмгөөллийн “ХаанЛекс Партнерс” хуулийн фирмийн хуульчдад итгэдэг. Тэдний эрх зүйн зөвлөгөөний үр дүн санхүүгийн хувьд үр ашгаа өгч чаддагийн зэрэгцээ найрсаг, мэргэжлийн өндөр түвшинд үйлчилгээ үзүүлдэг хамт олон юм.”
Жереми ТийссэнЗанаду Разорбак компанийн үүсгэн байгуулагч, Гүйцэтгэх захирал
Jeremy John Thiessen
“Б. Энхбат нь компанийн эрх зүйн чиглэлээр арвин туршлагатай хуульч юм. “Бизнесийн ертөнцтэй хэлхээ холбоо сайтай”, “Монголын улс төрийн нөхцөл, чиг хандлагыг ойлгож, мэдэрч чаддаг”, “мэргэжлийн өндөр ур чадвартай хуульч” хэмээн эх сурвалжууд түүнийг тодорхойлсон.”
Ази, Номхон далайн бүс
Chambers and Partners (Asia Pacific)
“Миний хувьд ХаанЛекс Партнерс хуулийн фирмд дадлага хийж, туршлага хуримтлуулсандаа туйлын баяртай байна. Дадлага хийх хугацаандаа олон улсын оролцогчдыг хамарсан гэрээ, хэлцэл байгуулах үйл ажиллагаанд биечлэн тусалж, тус фирмийн хуримтлуулсан арвин их туршлагаас суралцах боломж надад олдсон.”
Бизаагүндаагийн БямбазаяаМУИС-ийн Хууль Зүйн Сургуулийн төгсөх ангийн оюутан
Byambazaya Bizaagundaa
"Маш мэргэжлийн хуульчидтай хуулийн фирм . Учралбаяр болон түүний хуульчдын баг төслийн санхүүжилт болон эрчим хүчний салбарт өндөр ур чадвар, дадлага туршлагтайн зэрэгцээ тэд үргэлж үйлчлүүлэгчдийнхээ сайн сайхны төлөө туслаж дэмжих чин хүсэл эрмэлзэлтэй байдаг. Танд ХаанЛекс Партнерс хуулийн фирмтэй холбогдож тэдний хууль зүйн зөвөлгөө, дэмжлэгийг авч хамтарч ажиллахыг санал болгож байна.
П. СугарняамЮ-ПИ-СИ Реньюбелс ХХК-ийн хуулийн захирал

бидний түүх

2011
2011

Өмгөөллийн “ХаанЛекс Партнерс” ХХН нь анх 2011 онд төрийн алба болон хувийн хэвшилд ажиллаж байсан туршлагатай хуульчид болох Б.Энхбат болон Г.Батжаргал нарын бүрэлдэхүүнтэйгээр байгуулагдаж, олон улсын оролцогчид бүхий гэрээ, хэлцлүүдэд эрх зүйн үйлчилгээ үзүүлэх чиглэлээр дагнан ажиллаж эхэлсэн. Олон улсын санхүүгийн байгууллагууд, гадаадын компаниуд болон өөрсдийн үйлчлүүлэгчдээ зөвлөгөө авах хүсэлтэй олон улсын хуулийн фирмүүдэд Монгол Улсын хууль, эрх зүйн асуудлаар мэргэжлийн зөвлөх үйлчилгээ үзүүлэн, байгуулагдсанаасаа хойш маш богино хугацаанд хүлээн зөвшөөрөгдсөн, тус улсын тэргүүлэх хуулийн фирмийн нэг болсон.

2014
2014

2014 онд ХаанЛекс Партнерс ХХН нь Монгол Улсын өөр нэгэн хуулийн фирмтэй нэгдэж, Өмгөөллийн “Эм Ди Эс энд Хаанлекс” ХХН-ийг байгуулсан болно.

2018
2018

Харин 2018 онд Өмгөөллийн “ХаанЛекс Партнерс” ХХН нь тус фирмээс буцаж тусгаарлан, хуучин бүрэлдэхүүнээрээ дахин байгуулагдсан болно. Тухайн үед Өмгөөллийн “Эм Ди Эс энд ХаанЛекс” ХХН-д төслийн санхүүжилт болон маргаан хянан шийдвэрлэх ажиллагааны чиглэлээр ажиллаж байсан туршлагатай хуульч Идэрхангайн Учралбаяр нь манай фирмд нэгдсэн.
Өөрчлөн байгуулагдсан цагаасаа хойш манай фирм нь олон улсын оролцогчдыг хамарсан гэрээ, хэлцлүүдэд хууль зүйн үйлчилгээ үзүүлэх чиглэлээр төвлөрөн ажиллаж байна. Түүнчлэн, өмнөх нэгдсэн хуулийн фирмд биднээр үйлчлүүлж бүх томоохон үйлчлүүлэгчид маань одоо ч манай фирмээс хууль зүйн үйлчилгээ үргэлжлүүлэн авсаар байна. Тухайлбал, гадаадын томоохон корпорациуд (жишээ нь, AirBnB, Accor Hotels, Facebook, Philip Morris, г.м.), дэд бүтцийн компаниуд (Монгол Улсын Клин Энержи Ази ХХК, Японы SoftBank Energy корпораци, Автралийн Techenomics International г.м.), олон улсын санхүүгийн байгууллага, гадаадын хөгжлийн болон томоохон банкууд (жишээ нь, Азийн хөгжлийн банк, БНХАУ-ын Хөгжлийн банк, Хятадын экспорт, импортын банк, Европын сэргээн босголт, хөгжлийн банк, Японы олон улсын хамтын ажиллагааны агентлаг (ЖАЙКА), АНУ-ын Олон улсын хөгжлийн санхүүгийн корпораци, г.м.) нь хуулийн зөвлөхөөрөө биднийг сонгон үйлчлүүлж байна.

Манай мэргэжлийн
хуульчдын баг

Танд туслахад бэлэн

бидний амжилт

Бидний мэргэжлийн ур чадвар, туршлага, амжилтыг Chambers, The Legal500, IFLR 1000, AsiaLawProfile зэрэг олон улсын хууль зүйн салбарын тэргүүлэх хэвлэлүүд хүлээн зөвшөөрч, улмаар эрх зүйн тодорхой салбаруудын тэргүүлэгч хуульчаар манай фирмийн хуульчдыг байнга нэрлэж, тодруулж байсан.

Өнгөрсөн хугацаанд Өмгөөллийн “ХаанЛекс Партнерс” ХХН нь олон улсын томоохон хуулийн фирмүүдийн хамтран ажилладаг Монголын нэр хүнд бүхий хуулийн фирмийн нэг болсон.

Facebook-f
Twitter
Linkedin-in

© 2020 Зохиогчийн эрхээр хамгаалагдсан. Өмгөөллийн ХаанЛекс Партнерс ХХН

Холбоо барих

MN
MN EN